Tip:
Highlight text to annotate it
X
Ciryaquen ne Earendil
i marner Arverniesse;
cirya tyarnero tavarwa mara
Numbrethilenna lelien;
lanneryar telpeva vanya lanyanero
telpeva ner calmaryar carine,
i langorya ve alqua cantaina ne,
ar cale ambalessen calyane.
Collonen enwine aranion
angwendava colanero;
i calima sandarya quantanina ne certaron,
varien ilye harwellon ar ulcollon
i luvarya rasseva angoloceo carnero
i pilindiryar ner tyavine mara tavareva more;
telpeva ne i ehterya
i sicilerya tincova ninque ne;
macilerya angava ne taura
sildiva ne i halla cassarya
quesse sorno curyasse
sumaryasse mire laica.
Nu Isil ar nun elen
rannero haya formenye tier
vanwa luhtaine mallissen
pella i auri firime norion.
Arca Helcello oantero
Yasse huine caita helce ambossen,
urini nomillon ar urale atalantillor
vanyane lintave, ar oio lelyala
nenissen alelarwe vanwa
yallume tullero oira Lomenna,
ar oantero ar la cennero venwe
calima hresto var cale surnero.
I suri aho tuller mentale
ar la cenala falastallo oantero
Numenello Romenna ar la harya ranen,
marenna hortanero.
Tana nomenna vilala Elwing tulle senna,
ar nare tintaina mi i mornie ne;
i nare or sumarya ne calima
la cale mirillo.
Silmaril tancere or se
Ar rie anteneres coirea caleva
Ar avapampaina haryala nare henduryasse
Rincero langorya; ar mi i lome
enta Ambarello Ear pella
taura ar lehta raumo amortane,
sure valo Tarmenelesse;
ter tier yassen fire ume vanta
ciryarya collero laice hwestanen
ve vala nuruo arta i sinde
ar verce eari falastale
romello Numenna oantero.
Ter Oiolome ata mentaina nero
or falmar morne ar nurrui, i cellente
amba malli avatintaine ar hrestar racine
i firner epe i esse Aurion
tenna lastanero or lanni marillaron
yasse i Ambar tele, i lindale anda,
yasse i oio-falastala winge cele
i culu malina ar miri purie nar.
Cennero i oron uquetala orta
yasse tindome caita telcoressen
Valinoro ar Eldamardo
pella i eari cennero.
Randir leryaina ne lomello
hopanna ninque yallume tullero,
Eldamardenna i wenya ar vanima
yasse i vilya na wen, ve hyelle purea
nu i ambo Ilmarino
tintilar nandasse nura
i mindor calime calmaron Tiriono
i haryar naldantar Lomelinyasse.
Harnero enta menesse ranello,
ar liri istanero tellon
ar ingolmor quenter yare nyarnar,
ar angani laurie antanente sen.
Antanenter lanni ninqui Eldaron,
ar otso calmar mentanente,
ve ter Calacirya
norenna halyaina lendero.
Tullero mardinnar pella asar
yasse caltale lantar i yeni unotime,
ar voro ture i Wina Aran
Ilmarinesse Orontesse tunda;
Ar quettar, yar la hlarnero, apa quetine ner
Lieron Atanion ar Eldaron,
Pella ambarello olori cenine ner
Avaquetine ilquenin, yain marinte menesse enta.
Vinya cirya apa carnente sen
anwa-telpeva ar elda-hyelleva
calima langova, la haryanere
var lanne collere telpina tuylmaryasse
Ilumire ve calma
ar ambal caltala coirea narenen
caltien oio Valdallo
panyaina ne, i tullere sinome
ar ramar ilfirini sen carnere
ar antanere sen ambar ulaire
cirien mi i meneli avanoti ar tulien
ara Anar ar Isilme.
Andune-noreo tare ambollon
yassen macsave telpine ehteli lantar
ramaryar se coller, ve ranala cale,
pella i Polda Ramba Pelorion.
Tyello Ambaro apa lendero
ar mernero ata tuve haya
i marderya ter i huini cirala
ar urala ve tol-elen
or i hisier tullero,
eccaira nare epe Anar,
randir epe i cuivala arin
yasse sinde i neni Formenesse celir.
Ar or Endor oantero
ar lastanero yallume I sara nie
nission ar Quendiron
Yare Aurissen, yenissen angaityo.
Nan senna taure umbar caitane
tenn' Isil fire, ve elen
autien, ar la harien
sine Hyapatissen, yassen firi marir;
tennoio mentaquen
randir, i ume pole sere
colien i calima calmarya haya
Narequen Numeno.